Bhagavad Gita chapter 1 verse 1 - Hindi

 




 

Bhagavad Gita chapter 1 verse 1 - Hindi
Bhagavad Gita chapter 1 verse 1

Dharma ki paribhasa to sabhi apne mat anusar hi gadhate hai, bahgavan Shri Krishna ne is life ko jine ke liye kuch rules banaye hai, jinake anusar chal kar hi hum apni life ko tension free rakh sakate hai.

Jisako prabhu ki language mein ‘Dharma’ kehate hai,

 bhagwan shri Krishna ne isi dharma ko apni bahsa mein kuch is tarah se paribhasit kiya hai jisake paalan se samaj us achayee ki or jata hai jisaki usako sach mein jaroort hai.

Bhagavad Gita ke adhyaye 1 sloke 1 mein Dhristrasta Sanjay se poochate hai Kurukshetra ke dharmashetra mein mere putra aur Pandav ke putra ikathate hue hai, waha mere putrao ne kya kiya.

Kurukshetra ka arth hota hai karma karane wala shetra aur dharma shetra hota hai dharma ka shetra.

Isi tarah dekha jaye to ye sansar bhi hamare liye dharma shetra aur karma shetra dono hai, kyun ki hum yahi pr karma karate hai, Bhagavan Shri Krishna kehatae hai “manusya ka karma dharma ke anusar hona chahiye”.

Aaj ki is life mein is tarah rahana thoda muskil ho jata hai, fir bhi kosis ki ja sakati hai, kyun ki karma ko dharma ke anusar chalaanaa hi khud ko har tarah se chinta mukt karana hai.

Yeha is baat ka matalb ye hai ki, chahe aap kam paise hi kyun na kamaye lekin dharma ke anusar ya rules aur regulations ke according chal kar aap sukun bhara jivan paa sakate hai jo permanent apke pass hi rahega.

Shri Krishna- complete incarnation's description

nature's law- infallible justice

Is tarah is sansar mein rahane ke liye dharma aur karma dono sath lekar chalana hoga.

Jaise Mahabaharat mein Dhritrastar ka karma Dhrama se bilkul alag tha, unako apna rajya chod kar Yudhistir ko raja bana dena chahiye, lekin unake mann mein to apne putra  ko raja banana ki iccha hai,

is liye wo putra moh mein bandh kar apna dhrma thik tarah se nahi nibha rahe hai. Jo bilkul galat hai.

Puri Mahabharat dekhe to Dhritrastar bas rote hi rahe hai , sirf apne dharma ko thik tarah se na palan karane ki wajah se Dhritrastar puri Mahabaharat mein chintit hi dekahye gaye hai, isake sath hi sath unake 100 putra bhi mare gaye. 

Isi tarah hamare real life mein bhi hota hai jab insane apne karma ko dhrma se alag lekar chalata hai tab wo bhi Dhritrstra ki tarah puri life chintit hi rahata hai.

Hamari sanatan vedic sansakriti bhi hamako dhrma ke anusar hi chalana sikhati hai , yeha tak ki yudh jesa karya bhi dhrma-bhumi mein hi karate hai, jisase marane walo ka uddhar ho sake.

Isi liye yeha Kurukshetra ke sath Dharmashetre pad aaya hai.

Hamari sampurna Gita bhi Dharma ke ander hi aati hai, agar hum dharma ka palan karate hai, to Gita ke sidhanto ka palan apne aap ho jata hai aur Gita ke sidhhanto ke anusar kartvya-karma karane se dharma ka anusthan ho jata hai.

Dhritrastara Pandavo aur apne putro mein partiality ka bhav rakahate the. Jabaki Pandav Dhritrstra ko apne pita ke saman hi samajhte the aur unaki aagya ka palan karate the.

Pandav ki pravriti dharma ke anusar chalane wali thi, ve sahi-galat ke bare mein soche bina hi Dhritrastra ke agya ka palan karate the.

Lekin Dhritrstra sirf Duryodhan ko hi apna manate the, pr Pandavo ko apna nahi manate the.

Is sloke se ye bhi pata chalata hai ki jo insane ke ander hota hai wahi bahar nikalata hai, jaise Dhirtrastra to Pandav ko bas dikhave ke liye hi apna manate the, lekin unake behavior se saaf pata chalata tha ki wo bas apne putro ke hi the.

Ise hi Mahbahrata mein dhwedhi bhav kaha gaya hai, jo Dhritrastra ke kul ke sanghar ka mukhya karan bana.

Isase manusya ko ye sikh leni chahiye ki wah apne ghar ya samaj mein dwedhi bhav (ye apne hai ye paraye hai) nahi rakhana chahiye. Kyun ki ye bhav rakahnae se bas kalah hi hoti hai aur pyar, muhabbat bahut dur chala jata hai.

 Yahi sloke hamako Dharma pr chalana sikahta hai aur chinta mukt jivan jina sikhata hai.  Is tarah hum Dharma ko apne har karya mein shamil karake apne kartavya ko achi tarah se nibha sakate hai. Yahi hamara sakalp aur soch honi chahiye

 

 

 

 

Comments

Popular posts from this blog

Overcome depression anxiety stress – Bhagavad Gita

Bhagavad Gita’s Solution | Overcome Laziness | Daily Life

Bhagavad Gita verses - Education